இயல்பாக விட்டு விடு

 இயல்பாக  விட்டு விடு

அமெரிக்காவில் 

சில இடங்களில்

 ' உடலுறவில்

உச்சநிலையை அடைவது எப்படி ? ' என்று சொல்லித்தருகிறார்கள்.

இதெற்கெல்லாம் 

' டியூஷன் சென்டர் ' அங்கு இருக்கிறது.

போதனை மூலமாக,

நீங்கள் உச்ச நிலையை அடைந்தால்,

அது உண்மையான உறவாக இருக்குமா ?

மனிதர்கள் எதிர்காலத்தை நினைத்து,

நிகழ்காலத்தை தவற விட்டு விடுவது போல்தான் இதுவும் அமைந்து விடும்.

உச்ச நிலை ' எப்போது வரும் ?

என்ற எதிர்பார்ப்பிலேயே,

ஒருவரது உறவு முடிந்து போய் விடும்.

எப்படி தூங்க வேண்டும் என்று யாருக்காவது 

சொல்லிக் கொடுக்க முடியுமா ?

' இப்போது ' பிராட்டிக்கல் ' வகுப்பு.

அனைவரும் படுத்துக் தூங்குங்கள் ' என்றால்,

அந்த நேரத்தில் தூக்கம் வருமா ?

தானாக வருகிற தூக்கமும்,

அதன் பிறகு வராது.

 ' இப்படிதான் சுவாசிக்க வேண்டும் ' என்று யாருக்கும்

தனி வகுப்பு எடுத்து 

பாடம் நடத்த முடியாது.

விலங்குகள் எந்த போதனையும் இல்லாமல்

உறவின் உச்சத்தை இயல்பாக தொடுகின்றன.

அதற்கு புத்தகங்கள் 

தேவையில்லை.

வல்லுநர்களின் அறிவுரைகள் தேவையில்லை.

உறவு நிலைகள் எல்லாவற்றையும் 

' இயல்பாக ' விட்டு விடும் போதுதான் உண்மையான உச்சம் வரும்.

அதை யாருக்கும் 

சொல்லித்தந்து அடைய வைக்க முடியாது.

உங்கள் மனம் தெளிவாக எதிர் நோக்கும்போது,

நீங்கள் அதுபற்றிய 

எந்த விதிமுறைகளையும் பின்பற்ற தேவை இல்லை.